पुकार बमले गराए राष्ट्रिय स्वतन्त्र पार्टीबाट मनोनयन दर्ता

काठमाडौँ। आगामी निर्वाचनका लागि पुकार बमले राष्ट्रिय स्वतन्त्र पार्टीबाट मनोनयन दर्ता गराएका छन्। बमले काठमाडौं क्षेत्र नम्बर १ बाट काठमाडौँको नयाँ बानेश्वरस्थित संसद् भवन पुगेर मनोनयन दर्ता गराएका हुन्।

मनोनयन दर्तापछि बमले आफूहरुलाई सबैतिरबाट समर्थन आइरहेकोले ढुक्क रहेको दाबी गरे। 

‘हामीलाई जुन खालको साथ र समर्थन आइरहेको छ सबैतिबाट, देशभित्रबाट देशबाहिरबाट मैले नेतृत्व गरेको अभियानबाट, त्यसकारण नतिजा हाम्रो पक्षमा आउँछ भनेर हामी ढुक्क छौँ,’ उनले भने। 

निर्वाचन आयोगले मंसिर ४ गते हुने प्रतिनिधिसभा र प्रदेशसभा निर्वाचनका लागि आज साँझ पाँच बजेसम्म उम्मेदवारी दर्ताको समय तोकेको छ।