एकैपटक तोला १२ सयले बढ्यो सुनको मूल्य

काठमाडौं। बिहीबार नेपाली बजारमा सुनको मूल्य ठुलो दरले बढेको छ। नेपाल सुनचाँदी महासंघका अनुसार सुनको मूल्य प्रतितोला १२ सय रुपैयाँले बढेको हो।

बुधबार प्रतितोला ९१ हजार ६ सय रुपैयाँमा कारोबार भएको छापावाल सुनको मूल्य आज ९२ हजार आठ सय रुपैया कायम भएको महासंघले जनाएको छ ।

यस्तै, तेजाबी सुन आज प्रतितोला ९२ हजार तीन सय रुपैयाँमा कारोबार भइरहेको छ । हिजो प्रतितोला ९१ हजार एक सय रुपैयाँमा कारोबार भएको थियो। 

यस्तै, आज बजारमा चाँदीको मूल्य पनि प्रतितोला २५ रुपैयाँ बढेको छ । बुधबार प्रतितोला एक हजार एक सय ४५ रुपैयाँमा कारोबार भएको चाँदी आज प्रतितोला एक हजार एक सय ७० रुपैयाँमा कारोबार भइरहेकाे महासंघले जनाएको छ ।