फुटपाथमा व्यापार गर्न पाउनुपर्छ भन्दै  सडकमा उत्रिय व्यापारी (फोटो फिचर)

काठमाडौं । काठमाडौँ महानगरपालिकाले केहि समयदेखि अवैध संरचना तथा फुटपाथ व्यापार हटाउदै आएको छ। उक्त महानगरको जारी अभियानविरुद्ध  फुटपाथमा व्यापार  गर्न पाउनुपर्ने माग राखेर फुटपाथ व्यापारीले आज सडकमा  प्रदर्शन गरेका छन् । 

काठमाडौं महानगरले सडकका फुटपाथमा व्यापार गर्न नदिएपछि उनीहरु प्रदर्शनमा उत्रिएका हुन् । एमालेनिकट मजदुर संगठन जिफन्टआवद्ध  नेपाल स्वरोजगार श्रमिक व्यापार संघको अगुवामा बिहीबार प्रदर्शन गरिएको छ । 

उनीहरुले आफ्नो माग राखेर महानगरपालिकाको कार्यालय घेराउसमेत गरेका छन् । सुन्धारामा जम्मा भएका व्यापारीहरू भद्रकाली हुँदै महानगर कार्यालय परिसरमा पुगेर विरोध प्रदर्शन गरेका हुन्।