काठमाडौँ । भारतबाट लागूऔषध ओसारपसार गरेको आरोपमा एक युवक पक्राउ परेका छन् । पर्साको ठोरी गाउँपालिका २ सितागुफाबाट भारतबाट लुकाइछिपाई ल्याएको लागूऔषधसहित उनलाई गएराति प्रहरीले नियन्त्रणमा लिएको हो ।
पक्राउ पर्नेमा सोही गाउँपालिका ३० वर्षीय रबिन्द्र कुमार साह हुन् । भारतको भिखनाबाट जुटको बोराभित्र विभिन्न लागूऔषध लुकाएर पैदल यात्रा गरी नेपाल आउने क्रममा उनलाई समातिएको जिल्ला प्रहरी कार्यालय पर्साले जनाएको छ ।
सितागुफा नजिक सडक खण्डमा शंकास्पद रुपमा टाउँकोमा जुटको बोरा लिएर हँडिरहेका उनको साथबाट कोडिवेल कफ सिरप १०० मिलीलीटरका ४ चार सय ७४ बोत्तल बरामद गरिएको छ । प्रहरीका अनुसार पक्राउ परेका साहलाई लागूऔषध सम्बन्धी कसूरमा अनुसन्धान भईरहेको छ ।
