महानगरको आँखा पशुपति क्षेत्रमा,अव्यवस्थित संरचना तत्काल हटाउँदै

काठमाडौँ। काठमाडौं महानगरपालिकाले केहि हप्तादेखि अवैध संरचनाहरू हटाउने अभियान जारी राख्दै महानगरले पशुपति क्षेत्रका अव्यवस्थित संरचना हटाउने भएको छ। महानगरपालिकाले सूचना जारी गर्दै अव्यवस्थित संरचना तत्काल हटाउन आग्रह गर्दा -पनि अटेर गरेको भन्दै शनिबारदेखि अव्यवस्थित संरचना हटाउने तयारी गरेको छ ।

काठमाडौं महानगरपालिका वडा–८ का वडा अध्यक्ष आशामान संगतले पशुपतिनाथ वरपर रहेका अवैध संरचनाहरू तत्काल हटाउन व्यवसायीहरू आग्रह गरेका हुन् ।

पटक पटक आग्रह गर्दा पनि व्यवसायीहरूले नमाने पछि आफै फिल्डमा उत्रिनु परेको वडाअध्यक्ष आशामान संगतले बताए । उनले काठमाडौं महानगरले अव्यवस्थितसंरचना हटाउदैँ आईरहेको र वडाअध्यक्षहरूको यसमा साथ समर्थन रहेको र अव्यवस्थित संरचनाहरू खालि गराउन सके सबैमा समस्याको समाधान हुने बताए ।  

पशुपति क्षेत्र विकास कोषले अव्यवस्थित संरचनाहरू भाडामा दिएर भाडा उठाइरहेकाले वडामा समेत दर्ता नभएका पसल संरचनाहरू आजबाट बन्द गरिएको समेत वडाअध्यक्ष संगतले जानकारी दिए ।

काठमाडौं महानगर पालिकाले हाल महानगर भित्र रहेका अवैध संरचनाहरू हटाउदैँ आइरहेको छ ।