कठमाडौँ। नेपाल राष्ट्र बैंकले दसैँका लागि आजदेखि बजारमा नयाँ नोट उपलब्ध गराएको छ । बैंकले दसैं लागि उपलब्ध नयाँ नोट पहिलो चरणमा बाणिज्य र विकास बैंकहरुबाट सटही सुविधा उपलब्ध गराउन सुरु गरेको हो ।
पहिलो दिन ८ वटा वाणिज्य बैंकहरुलाई २० करोड रुपैयाँ बराबरको नयाँ नोट सटही सुविधा प्रदान गर्ने छ ।
यस्तै विकास बैंकहरुलाई राष्ट्र बैंकले आजै करिब ३० करोड रुपैयाँ बराबरको नयाँ नोट उपलब्ध गराउनेछ भने अन्य बैंक तथा वित्तीय संस्थाहरुलाई यसैगरी क्रमशः नयाँ नोट उपलब्ध गराउँदै जाने छ ।
अब सर्वसाधारणले यही भदौ २९ गतेदेखि नयाँ नोट साट्न पाउनेछन् । एक पटकमा एक व्यक्तिले बढीमा १८ हजार ५०० रुपैयाँ नयाँ नोट साट्न पाउने व्यवस्था गरिएको छ ।
यस वर्षका लागि राष्ट्र बैंकले १० अर्ब रुपैयाँ बराबरको नयाँ नोटको व्यवस्था गरेको छ ।
