काठमाडौँ । श्री जय दुर्गा ट्रेडर्सका तीन सञ्चालकविरुद्ध विशेष अदालतमा मुद्दा परेको छ । सो कम्पनीमार्फत भ्याट र आयकर छली गरेको आरोप लगाउँदै राजस्व अनुसन्धान विभागले उनीहरुविरुद्ध अदालत मुद्दा दायर गरेको हो ।
मुद्दा दायर हुनेमा भारत घर भई हाल काठमाडौँको बसुन्धारा बस्ने धिरज कुमार जयसवाल, सुमन कुमार श्रेष्ठ र राहुल कुमार जयसवाल रहेका छन् ।
राजस्व चुहावट गर्ने मनसायले नै जालसाजीयुक्त, नक्कली भ्याटबिल खरिद गरी वित्तीय विवरण तथा आय विवरण बनाउने गरेको विभागले जनाएको छ ।
भ्याट र आयकर गरी कुल ५ करोड ४६ लाख ५१ हजार भन्दा बढी रुपैयाँ राजस्व चुहावट गरेको दाबी गर्दै विभागले उनीहरुसँगै त्यसको दोब्बर रुपैयाँ बराबर जरिवाना सजाय मागदाबी गरेको हो ।
