दशैंसम्मको समय दिएर अनधिकृत संरचना हटाउदै ललितपुर महानगर

काठमाडौं । फुटपाथ मिचेर, नक्सा पास विपरीत बनाइएका अनधिकृत संरचना दशैंसम्म हटाउन ललितपुर महानगरपालिकाले निर्देशन दिएको छ ।

शुक्रबार महानगरले ललितपुरको लगनखेलमा रहेको महानगरकै भवनमा रहेको एक होटलले नियम विपरीत बनाएको संरचना हटाएको हो । 

महानगरपालिकाले घर–घरमा गएर माइकिङ गर्दै अनधिकृत संरचना हटाउन चेतवानी दिएको छ। 

ललितपुर महानगर प्रहरी प्रमुख सिताराम हाछेथुका अनुसार अहिले नै महानगरभित्र डोजर लगाउने अवस्था नरहेको र टो–टोलमा गएर अनधिकृत रुपमा निर्माण भएका संरचनाहरु दशैंसम्म हटाउन माईकिङ गरेको हो । ‘हाम्रो महानगरमा ठुला मलहरु धेरै छैनन्, अनधिकृत संरचनाहरु, निर्माण भएको, फुटपाथ ओगटेको संरचना पनि धेरै छैनन् । केही छन भने दशैंैसम्म हटाउन निर्देशन दिएका छौं, मानेनन् भने हाम्रो नगर प्रहरी गएर हटाउँछ,’ हाछेथुले भने ।