काठमाडौं । निरन्तर उतारचढाव जारी रहेको सुनको मूल्यमा आज पनि बृद्धि भएको छ । आज साउन २५ गते, बुधबार सुन तोलामा २०० रुपैयाँले वृद्धि भएको छ । आज चाँदीको मूल्यमा भने गिरावट देखिएको छ ।
नेपाली बजारमा आज छापावाल सुन प्रतितोला ९७ हजार १०० रुपैयाँमा कारोबार भइरहेको छ । यस्तै तेजाबी सुनको पनि मूल्य वृद्धि हुँदा प्रतितोला ९६ हजार ६०० रुपैयाँ पुगेको सुनचाँदी व्यवसायी महासंघले जनाएको छ ।
हिजो पनि सुन महंगिएको थियो । हिजो सुन तोलामा ६०० रुपैयाँले बढेर प्रतितोला ९६ हजार ९०० रुपैयाँ पुगेको थियो ।
आज बुधबार चाँदीको भाउ भने सस्तिएको छ । आज चाँदी तोलामा १० रुपैयाँले ओरालो लागेर प्रतितोला एक हजार २३० रुपैयाँमा खरिदबिक्री हुँदैछ ।
हिजो चाँदी तोलामै ३५ रुपैयाँले उकालो लाग्दा प्रतितोला एक हजार २४० रुपैयाँमा किनबेच भएको थियो ।
