फाइल फोटो
काठमाडौं । काठमाडौं महानगरपालिकाले साउन १२ गतेदेखि फोहोर संकलन गर्ने भएको छ ।
सिसडोल सडक मर्मत तथा संभारको गर्दा फोहोर ढुवानी गर्ने सवारी साधन आवतजावतका कारण सडक मर्मत तथा संभारको काममा कठिनाइ भएपछि महानगरले यही साउन ४ गतेदेखि फोहोर ढुवानी कार्य ७ दिनका लागि रोक्ने निर्णय गरेको थियो ।
‘१२ गते विहीबार विहान ६ बजेदेखि पायक पर्ने स्थानमा फोहोरमैला ढुवानीका लागि आउने सवारी साधनसम्म फोहोर पुर्याउन, त्यसै सूचनामार्फत महानगरबासीमा अनुरोध गरिएको छ,’ सूचनामा भनिएको छ ।
यसअघि फोहोर उत्पादकका नाममा सूचना जारी गर्दै महानगरले ७ दिन घर, पसल तथा व्यवसायबाट उत्पादन हुने फोहोर बाहिर ननिकाल्न अपिल गरेको थियो ।
महानगरले घर, पसल, व्यवसायबाट उत्पादन भएको फोहोर सार्वजनिक चोक, गल्ली तथा सार्वजनिक स्थलमा ननिकाल्न र घरमै छुट्याएर राख्न अनुरोध दोहो¥याएको छ ।
