सौन्दर्य प्रतियोगितामा यौन दुर्व्यवहार गरेकाे भन्दै पाण्डेविरुद्ध पीडितले दिइन् ‘मानव बेचबिखन’ विरुद्धको जाहेरी

काठमाडौँ । सौन्दर्य प्रतियोगिताको नाममा मोडल ग्लोब भिसाज कन्सल्टेन्सीका सन्चालक मनोज पाण्डेले यौन दुर्व्यवहार गरेको भन्दै पाण्डे विरुद्ध पीडितले जाहेरी दिएकी छन् ।

सोमबार जिल्ला प्रहरी परिसर काठमाडौँमा पीडित युवतीले पाण्डेविरुद्ध मानव बेचबिखन तथा ओसारपसार ९नियन्त्रण० ऐन–०६४ अनुसारको कसुरमा जाहेरी दिएकी हुन् । 

जिल्ला प्रहरी परिसर काठमाडौँका अनुसार जिल्ला अदालतमा पीडित युवतीको बयान प्रमाणित गराएपछि जाहेरी दर्ता गरिने छ ।

भैरहवा घर भएका पाण्डेले सन् २०१४ मा आयोजना गरेकाे मिस ग्लोबल इन्टरनेशनल प्रतियोगितामा आफूलाई बन्धक बनाएर  बलात्कार गरेको पीडित युवतीको आरोप छ ।

प्रहरीले शनिबार स्वयम्भुबाट पाण्डेलाई पक्राउ गरेको थियो ।