काठमाडौं । स्थानीय तह निर्वाचनमा उम्मेदवारी दिएकाहरूलाई निर्वाचन आयोगले आज चुनाव चिह्न प्रदान गर्ने भएको छ ।
निर्वाचन कार्यतालिकाअनुसार आयोगले आज निर्वाचनमा सहभागी दल तथा स्वतन्त्र उमेदवारहरुलाई चुनाव चिह्न प्रदान गर्न लागेको हो ।
हिजो उमेदवारको अन्तिम नामावली प्रकाशन गरेको आयोगले आज चुनाव चिह्न प्रदान गर्दै छ । वैशाख ३० गते हुने स्थानीय तह निर्वाचनअन्तर्गत निर्वाचन आयोगले उमेदवार मनोनयन, उजुरीमाथि जाँचबुझ, मनोनयन फिर्ता कार्यक्रम सकेर हिजो उमेदवारको अन्तिम नामावली प्रकाशन गरेको थियो ।
अब नामावलीमा रहेका उम्मेदरवारहरु नै प्रतिस्पर्धामा उत्रिनेछन् ।
उम्मेदवारहरूले निर्वान चिह्न पाएसँगै मौन अवधि सुरु हुनअघिसम्म प्रचारप्रचार गर्न पाउनेछन् । वैशाख ३० गते ७५३ स्थानीय तहमा नयाँ नेतृत्व चयनका लागि निर्वाचन हुँदै छ ।
