कोरियन एयरको छ उडान कटौती

काठमाडौँ, ४ चैत । साताको चार उडान गर्दै आएको कोरियन एयर अब साताको एक उडान मात्र गर्ने भएको छ । सोमबारदेखि लागू हुने गरी मार्च महिनाभर कोरियन एयरले उडान कटौती गरेको हो । 
कोरोना भाइरसका कारण कम्पनीले सोमबार हुने उडान बाहेक कूल ६ वटा उडान रद्द भएका हुन् ।

नेपाल सरकारले ल्याएको नीतिलाई सहयोग गर्न र अन्यन्तै कम बुकिङ रेटका कारण उडान रद्द गर्नु परेको कम्पनीले उल्लेख गरेको छ ।

यसबीचमा टिकट काटिसकेका यात्रुले बीना कुनै जरिवाना टिकट रद्द वा उडान मिति सार्न सक्ने भएका छन् । सातामा एक उडान भने नेपाली यात्रुको सुविधाका लागि निरन्तरता दिइएको कम्पनीले जनाएको छ ।

कम्पनीले सोमबार, मंगलबार, शुक्रबार र शनिबार उडान गरिरहेको थियो ।