अघि बढ्यो एमसीसी, ३५ दिनभित्र सबस्टेशन बनाउने जग्गा खाली गर्न सूचना

काठमाडाैं । सरकारले अमेरिकी सहयाेग परियाेजना मिलेनियम च्यालेन्ज कर्पोरेसन (एमसीसी) अघि बढाएकाे छ ।

एमसिए नेपालले आज सूचना निकालेर एमसीसीअन्तर्गत सब-स्टेशन बनाउन नुवाकोटमा अधिग्रहण गरिएका घरजग्गा खाली गर्न भनेकाे छ ।

मिलेनियम च्यालेञ्ज एकाउन्ट नेपाल विकास समिति काठमाडौंले अधिग्रहण गरिसकिएका घरजग्गा ३५ दिनभित्र खाली गर्न भनेको हाे ।

‘अधिग्रहण गरिएका जग्गामा स्वीकृत कार्यक्रमअनुसार सब-स्टेशन निर्माण गर्न तारबार गर्ने कार्यलाई अघि बढाउन मुआब्जालगायत क्षतिपूर्ति तथा पुनर्वास सहायता रकम बुझिसकेका महानुभावले अधिग्रहण गरिएका घरजग्गाहरू ३५ दिनभित्र खाली गर्नुपर्नेछ,’ सूचनामा भनिएको छ ।