भावुक हुँदै प्रचण्डले भने– आगामी चुनाव माओवादीका लागि जीवन मरणको लडाइँ भएर आउँदैछ

काठमाडाैं । माओवादी केन्द्रका अध्यक्ष प्रचण्डले आगामी चुनाव पार्टीका लागि जीवन मरणको सवाल भएको बताएका छन् ।

बुधबार काठमाडौंमा आयोजित पार्टीको आन्तरिक प्रशिक्षणमा बाेल्दै प्रचण्डले आउने निर्वाचनमा माओवादीलाई परास्त गर्ने षड्यन्त्र भइरहेको बताउँदै आफ्नाे पार्टी  जीवन मरणको दाेसँधमा रहेकाे बताएका हुन् ।

‘अहिले दुई वटा पार्टीमात्रै बनाउने कसरत चलिरहेको छ । दुई बुर्जुवा पार्टी पालैपालो शासन गर्ने । अरु परिवर्तनकारी पार्टी सिध्याउने षड्यन्त्र छ’,प्रचण्डले भने, ‘आउनेवाला निर्वाचन चाहे त्यो स्थानीय वा प्रदेश र संघको होस् त्यो सबै हाम्रा लागि सामान्य औपचारिक निर्वाचनमात्रै रहेको छैन । हाम्रो लागि यो लाइफ एण्ड डेथ –जीवन मरणको लडाइँ भएर आउँदैछ ।’