रौतहटबाट पेस्तोलसहित एक  व्यक्ति पक्राउ

 रौतहट । प्रहरीले रौतहटबाट पेस्तोलसहित ४९ वर्षीय शेष बैतुल्ला  पक्राउ  गरेको छ।

यमुनामाई गाउँपालिका ३ राजपुर तुलसीका बैतुल्लालाई सोमवार पक्राउ गरेको हो ।

 चाइनिज पेस्तोल १ थान, कटुवा पेस्तोल १ थान,  चाइनिज पेस्तोलमा प्रयोग हुने १ थान म्याग्जिन र ७.६५ एमएमको वाल राउण्ड २ थानसहित उनलाई पक्राउ गरेको प्रहरीले जानकारी दिएको छ ।  

सशस्त्र प्रहरीको गस्ती टोलीले चेकजाँच गर्ने क्रममा उनलाई यमुनामाई गाउँपालिका -३ राजपुर तुलसीबाट नियन्त्रणमा लिएको हो ।

बरामद गरिएका हतियारसहित बैतुल्लालाई आवश्यक कारबाहीका लागि जिल्ला प्रहरी कार्यालय रौतहटमा बुझाइएको रौतहटका सशस्त्र प्रहरी उपरीक्षक रवीनराज कर्णजीतले जानकारी दिए।