असन्तुष्ट नारायणकाजीलाई प्रचण्डको आग्रह: पार्टी एकताबद्ध गर्नु अहिलेको आवश्यकता हो, हामी मिल्नुपर्छ

काठमाडौं । अमेरिकी सहयोगसम्बन्धी सम्झौता एमसीसी सम्झौता अनुमाेदन पछि असन्तुष्ट रहदै आएका नेकपा माओवादीका नेता नारायणकाजी श्रेष्ठलाई अध्यक्ष पुष्पकमल दाहाल प्रचण्डले मिलेरै अघि बढ्न प्रस्ताव गरेका छन् ।

एमसीसी पास गर्न नहुने अडान राख्दै १२ बुँदे ब्याख्यात्मक घोषणालाई पनि अस्वीकारेका नेता श्रेष्ठ पनि आफूहरु छुट्टिने निष्कर्षमै भने नपुगेको बताएका छन् ।

मंगलबार नेता श्रेष्ठलाई भेट्न श्रेष्ठ निवास हात्तीवन अध्यक्ष प्रचण्ड एमसीसीका विषयमा आफहरुबीचको मतभिन्नतालाई कायमै राखेर बाँकी विषयमा भने मिलेर जान प्रस्ताव गरेका थिए ।

‘यो विषयमा मतभेद कायम राखौं अरु कुरामा मिलेर जाऔं, पार्टी एकताबद्ध गर्नु अहिलेको आवश्यकता हो,’ भेटमा अध्यक्ष प्रचण्डले नेता श्रेष्ठसँग भनेका थिए ।