काठमाडौं । अर्थमन्त्रालयका सहसचिवहरुको जिम्मेवारी परिवर्तन गरिएको छ । बजेट महाशाखाका प्रमुख भूपाल बराललाई राजस्व ब्यवस्थापन महाशाखाको जिम्मेवारी दिइएको छ । बजेट तथा कार्यक्रम महाशाखा प्रमुखको जिम्मेवारी भर्खरै अर्थमन्त्रालयमा सरुवा भएका चक्र बुढालाई दिइएको छ ।
राजस्व ब्यवस्थापन महाशाखा प्रमुख रामेश्वर दंगाल सचिवमा बढुवा भएपछि रिक्त रहेको ठाउँमा बराललाई पठाइएको छ ।
अर्थमन्त्री जनार्दन शर्माले जथाभावी रकमान्तर र स्रोतान्तर गर्न दबाब दिएपछि बराल वाक्कदिक्क भइसकेका थिए । उनी नै बजेटबाट कसरी बाहिरिने भन्ने दाउमा भएको बेला जिम्मेवारी परिवर्तन भएपछि राहत महसुस गरेका छन् । मन्त्री शर्माको काम नै अहिले ठूला ठेकेदारहरुसँग मिलेर रकमान्तर र स्रोतान्तर गर्नेमा केन्द्रित छ ।
