काठमाडौं । नेपाल नागरिक उड्डयन प्राधिकरणको महानिर्देशकमा प्रदीप अधिकारी नियुक्त भएका छन् ।
१२ औं तहका ६ जना उपमहानिर्देशकलाई महानिर्देशक नबनाई ११ औं तहका कनिष्ट प्रदीप अधिकारीलाई संस्कृृति, पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणको महानिर्देशक बनाएको छ ।
प्राधिकरणमा १२ औं तहका प्रतापबाबु तिवारी, भोला गुरागाई, देवचन्द्रलाल कर्ण, हंसराज पाण्डे, गोविन्द दाहाल र प्रेमनाथ ठाकुर गरी ६ जना छन् । तर मन्त्रिपरिषदले भने ११ औं तहका कनिष्ट प्रदीप अधिकारीलाई महानिर्देशक बनाएपछि बरिष्ठ ६ जनालाई नैतिक संकट आइलागेको छ ।
सोमबारको मन्त्रिपरिषद् बैठकले अधिकारीलाई प्राधिकरणको महानिर्देशकमा नियुक्त गरेको हो ।
उनी यसअघि प्राधिकरणको राष्ट्रिय गौरव आयोजनाका निर्देशक थिए ।
