एमाले अध्यक्ष ओलीलाई कारबाहीको माग गर्दै प्रशासनमा उजुरी

भक्तपुर । नेकपा एमालेका अध्यक्ष केपी शर्मा ओलीलाई कारबाहीको माग गर्दै जिल्ला प्रशासन कार्यालय भक्तपुरमा निवेदन परेको छ ।

ओलीले संक्रामक रोग ऐन २०२० विपरित कार्य गरेको भन्दै  सूर्यविनायक नगरपालिका भक्तपुरका अभिजित अधिकारीले आइतबार उजुरी दिएका हुन् ।

ओलीले आफु कोभिड संक्रमित हुँदाहुँदै नेकपा एमालेको भ्रातृ संगठन युवा संघले आयोजना गरेको कार्यक्रमम सहभागी भइ हुलहुज्जत गरी आफुलाई सामान्य संक्रमण मात्र भएको भाषण गरेको उल्लेख गरेका छन् ।

‘यसरी आफु कोरोना संक्रमण फैलउने कार्य गरी संक्रामक रोग ऐन २०२० विपरित कार्य गरेकाले निज केपी शर्मा ओलीलाई कानुन बमोजिम आवस्यक कारवाही गरी पाउ’, निवेदको दावी छ ।