एजेन्सी । भारतस्थित उत्तर प्रदेशको मैनपुरी जिल्लाबाट एउटा हृदयविदारक घटना सार्वजनिक भएको छ । घटनामा त्यहाँको एक मस्जिदका इमामले आठ वर्षीया बालिकालाई बलात्कार गरेको आरोप लागेको छ ।
भारतीय संचारमाध्यमहरुका अनुसार आरोपी इमामले पीडितलाई कुरानबाट कसम समेत खुवाक थिए कि उनले यसबारे कसैलाई नभन्न भनेर। तर, बालिका घर पुग्दा उनको शरीरबाट अत्याधिक रगत बगिरहेको थियो । घटनाबारे थाहा पाएपछि उनका परिवारले प्रहरी चौकीमा उजुरी दिएका थिए ।
मैनपुरी प्रहरीले आरोपी इमामलाई पक्राउ गरेको छ भने बालिकालाई उपचार र स्वास्थ्य परीक्षणका लागि अस्पताल पठाइएको छ । यो घृणित घटना मैनपुरीको किसनी थाना क्षेत्र अन्तर्गतको एउटा गाउँमा भएको हो।
रिपोर्टका अनुसार ५२ वर्षीय अभियुक्त इमाम जमाल अहमद विगत १० वर्षदेखि मस्जिदको इन्चार्ज छन् र यहाँ बालबालिकालाई पढाउँछन् । पीडित युवती अध्ययन गर्न मस्जिद जाने गर्थिन् ।
