काठमाडौ । प्रहरी बृत्त कालिमाटीबाट एक थुनुवा भागेका छन् ।
घटना ४ दिनअघिको सरसफाइ गर्न निकाल्ने क्रममा ती थुनुवा भागेका हुन् । भागेका थुनुवाको नाम भने थाहा हुन सकेको छैन ।
थुनुवा भागेको कुरा बृत्त प्रमुख डीएसपी अनिल घिमिरेले गुपचुप राखेका छन । थुनुवा भागेको कुरा डीएसपी घिमिरेले काठमाडौ प्रहरी परिसरमा समेत जानकारी दिएका छैनन् ।
एमाले नेता पार्वत गुरुङलाई मामा ससुराको नाता लाउने डीएसपी घिमिरे प्रधानमन्त्री शेरबहादुर देउवाको सोर्स लगाएर कालिमाटी सरुवा भएका हुन् । थुनुवा भागेको विषयमा डीएसपी घिमिरेले भने, भागेको छैन । कुनै थुनुवा यहाँबाट भागेको छैन ।
महानगरीय प्रहरी कार्यालय रानीपोखरीले थुनुवा भागेको बिषयमा अनुसन्धान गरिरहेको स्रोतले जनाएको छ ।
