कांग्रेस केन्द्रीय सदस्यको निर्वाचन: उपकुलपतिले हारे, डन लामाले जिते

काठमाडौं । नेपाली कांग्रेसको १४औं महाधिवेशनअन्तर्गत खुलातर्फको केन्द्रीय सदस्यमा चर्चित अनुहारहरु समेत पराजित भएका छन् । 

जसमा प्रदेशका मुख्यमन्त्री बन्न लागेकादेखि पूर्वमन्त्री र विश्वविद्यालयका उपकुलपति समेत रहेका छन् । यी चर्चित अनुहारहरु पराजित हुँदा डन गणेश लामा भने निर्वाचित भए । 

पराजित हुनेहरुमा लुम्बीनी प्रदेशका कांग्रेस संसदीय दलका नेता विरेन्द्रकुमार कनौडिया, १ नम्बर प्रदेशका आन्तरिक मामिला तथा कानूनमन्त्री समेत रहेका केदार कार्की र त्रिभुवन विश्वविद्यालयका पूर्वउपकुलपति प्रा.डा. तीर्थराज खनियासम्म रहेका छन्। 

यता युवा पत्रकार अजयबाबु शिवाकोटी, डन लामालगायतका थुप्रै नयाँ अनुहारले चुनाव जित्दा पुराना नेताहरु भने केन्द्रीय सदस्यमा चुनाव हारेका हुन्।

यी हुन् पराजित भएका चर्तित अनुहारहरु
१. प्रा.डा. तीर्थराज खनिया – टियूका पूर्व भिसी
२. केदार कार्की – आन्तरिक मामिला तथा कानूनमन्त्री (प्रदेश १)
३. विरेन्द्रकुमार कनौडिया – लुम्बीनी प्रदेशका कांग्रेस संसदीय दलका नेता
४. मंगलप्रसाद थारु – पूर्व सहायकमन्त्री
५. यज्ञबहादुर थापा – पूर्व मन्त्री
६. शम्भुलाल श्रेष्ठ– पूर्व राज्यमन्त्री
७. जनकराज गिरी – पूर्व सहायकमन्त्री