सहमहामन्त्रीमा जीवन परियारको अग्रता, मानबहादुर पछि पछि 

काठमाडौं । नेपाली कांग्रेसको १४औं महाधिवेशनमा भएको नयाँ केन्द्रीय कार्यसमितिका लागि भएको निर्वाचनको परिणाम आइरहेको छ । सभापति, २ उपसभापति र २ महामन्त्रीको मतगणना सकिएको छ । आदिवासी जनजाति क्लस्टरअन्तर्गत कांग्रेस सहमहामन्त्री पदको मतगणना जारी छ । 

कांग्रेस केन्द्रीय कार्यालय सानेपामा जारी मतगणनाको नतिजा आइरहेको छ । जसमा दलित सहमहामन्त्री पदमा ४ हजार १ सय मत गन्दा जीवन परियारले अग्रता लिएका छन् ।

उनले १९१९ मत ल्याएका छन् भने मानबहादुर विश्वकर्माले १८९२ मत ल्याएका छन् । दलितमा जीवन परियार शेखर कोइराला र विश्वकर्मा देउवा पक्षबाट हुन् । उनीहरूबीच २७ मतको फरक छ ।

कांग्रेस सहमहामन्त्रीमा आठ जना निर्वाचित हुने व्यवस्था छ । त्यसमध्ये महामन्त्रीमध्ये बिहीबार महिला, दलित, आदिवासी जनजाति क्लस्टरको मतगणना भइरहेको छ ।