एमसीसीबारे छलफल गर्न नेकपाले वैठक बोलायो

फाइल फोटो

काठमाडौं, २५ जेठ । सत्तारुढ दल नेकपाले बहुचर्चित र विवादित एमसीसी बारे छलफल गर्न भोली सचिवालय समितिको बैठक बोलाएको छ । बैठक प्रधानमन्त्री निवास बालुवाटारमा भोली सोमवार ४ बजे बोलाइएको छ ।
नेकपा भित्र अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) संसद बाट पारित गर्ने कि नगर्ने भनेर ठुलो विवाद छ ।प्रधानमन्त्री एवं नेकपाका अध्यक्ष केपी शर्मा ओली एमसीसी सम्झौता संसदबाट तत्काल पास गर्ने पक्षमा छन् ।

भने अर्का अध्यक्ष प्रचण्ड, नारायणकाजी श्रेष्ठ लगाएतका नेताहरुले एमसीसीबारे अध्ययन गर्न पार्टीले वरिष्ठ नेता झलनाथ खनालको नेतृत्वमा बनाएको कार्यदलको प्रतिवेदनबारे स्थायी कमिटीमा छलफल गर्नुपर्ने बताउँदै आएका छन् ।

कार्यदलले एमसीसी सम्झौता परिर्माजन नगरी संसदबाट पास गर्न नहुने सुझाव दिएको छ । यहि विवाद छलफलका लागि भोली नेकपाको सचिवालय समिति बैठक बोलाइएको छ ।