विदेश विभाग गठनबारे माओवादीले भन्यो- निर्णय भएकै छैन, गलत समाचारको भ्रममा नपरौं

काठमाडौँ । नेपाल कम्युनिष्ट पार्टी नेकपा (माओवादी केन्द्र)ले विदेश विभाग गठन नै नगरेको  जनाएको छ । मंगलबार साँझदेखि विभिन्न संचार माध्यमहरुले माओवादी केन्द्रले विदेश विभाग गठन गरेको भन्ने समाचारहरु प्रकाशित गरेपछि त्यसबारे स्पष्ट पार्दै यस्तो जनाएको हो । 

‘नेकपा माओवादी केन्द्रको बिदेश बिभाग गठन भएको र त्यसमा बिभिन्न ब्यक्तिहरु राखिएको भन्ने समाचार गलत हो’, पार्टीका नेता नारायणकाजी श्रेष्ठले सामाजिक संजालमार्फत भनेका छन्, ‘पार्टीले बिदेश बिभाग गठन गरिसकेको छैन । यस्ता गलत सूचना प्रसारित नगर्न र त्यसको भ्रममा नपर्न अनुरोध गर्दछु।’

यसअघिका समाचारहरुमा माओवादी केन्द्रले सुरेन्द्र कार्कीको अध्यक्षमा ३१ सदस्यीय विदेश मामिला विभाग गठनको प्रस्ताव गरेको भन्ने समाचारहरु सार्वजनिक भएका थिए।