एजेन्सी । इण्डियन प्रिमियर लिग (आईपीएल) मा राजस्थान रोयल्सले शीर्ष स्थानमा रहेको चेन्नई सुपर किङ्सविरुद्द सानदार जित हाँसिल गरेको छ ।
शनिबार आबुधाबीमा भएको खेलमा राजस्थानले चेन्नईलाई ७ विकेटले हराउँदै सानदार जित हाँसिल गरेको हो।
चेन्नईले दिएको १ सय ९० रनको लक्ष्य राजस्थानले मात्र १७ ओभर ३ बलमा ३ विकेट गुमाएर पूरा गर्यो ।
राजस्थानको जितमा शिबम डुबेले ६४ तथा याशभी जैसवालले ५० रनको सानदार पारी खेले।
चेन्नईका सार्दुल ठाकुरले २ विकेट लिए ।
यसअघि पहिले ब्याटिङ गरेको चेन्नईले २० ओभरमा ४ विकेट गुमाएर १ सय ८९ रन बनाएको थियो ।
चेन्नईका लागि रुतुराज गायकवाडले १०१ रनको शतकीय इनिङ्स खेले । रविन्द्र जडेजाले अविजित ३२ तथा फाप डु प्लेसिसले २५ रन बनाए ।
राजस्थानका राहुल तेवाटियाले ३ विकेट लिए ।
जितसँगै राजस्थानले १२ खेलमा १० अंक जोडेको छ।
