अमेरिकामा ‘थेत्लङ्’ प्रदर्शन हुने

न्यु योर्क। किशोर सुब्बा निर्देशित लिम्बु भाषाको कथानक चलचित्र ‘थेत्लङ्’ को आगामी तिहार लगतै विशेष प्रदर्शन हुने भएको छ ।

किराँत याक्थंङ् चुम्लुङ् अमेरिकाको विशेष सहयोग र दिपक थेवेको संयोजकत्वमा ‘थेत्लङ्’को विशेष प्रदर्शन हुन लागेको हो ।

आयोजक पक्षका अनुसार १४ नोभेम्बर २०२१ आईतबार दिनको ४ः३० बजे ग्यालजुङ्ग हल युएसएमा चलचित्रको बिशेष प्रदर्शन हुने छ ।

चलचित्रमा बिशाल सेनेहांड्, दिव्या लिम्बु, संगीता सम्बाहाम्फे, सोनु ताम्लिंङ्, शान्ति लिम्बु, शर्मिला यक्सो, हस्त लिबांड्, सागर केरुंङ्, सुखविर लिम्बु लगायतका कलाकार रहेको छन् भने निर्मातामा मनि ताम्लिंङ् र बिराज लिम्बु रहेका छन् ।

ओपेरा क्रियशन्स प्रोडक्सनको ब्यानरमा निर्मित चलचित्र ‘थेत्लंड्’ सिक्किमको बिभिन्न रमणीय स्थानमा छायांकन गरिएको छ ।

चलचित्रमा नृत्य दिनेश लिम्बु, संगीत कुल्बा सुब्बा, राजु, पबिन, मोनि, छायांकन हेमन्त योञ्जन, सम्पादन सुमन र कथा देउमान होन्दोक लिम्बु, पटकथा, सम्वाद सागर केरुङको रहेको छ ।