एमाले ध्वस्त पार्न खोजिएकाे थियाे, कार्यकर्ताहरूले जोगाए: ओली

काठमाडाैं ।  एमाले अध्यक्ष केपी शर्मा ओलीले पार्टी ध्वस्त र समाप्त गर्न खोज्नेहरूबाट देशभरीका कार्यकर्ताले मिलेर जोगाएको बताएका छन् ।

बुधबार बुटबलमा आयोजित कार्यकर्ता भेलामा बाेल्दै ओलीले मुलुकलाई नेतृत्व गर्ने पार्टी ध्वस्त गर्न खोजिएकाेमा यसबाट कार्यकर्ताहरूले जाेगाएकाे बताएका हुन् ।

‘यो पार्टी ध्वस्त पार्न लागिएको थियो, समाप्त पार्न लागिएको थियो, कब्जा गर्न खोजिएको थियो । केही बच्यो भने प्रतिक्रियावादीहरूको पाउमा चढाउन खोजिएको थियो,’ उनले भने, ‘देशभरीका कार्यकर्ताहरूले पार्टी जोगाउनु भएको छ ।’

एमालेको सही नेतृत्व र विचारले नेपालमा कम्युनिष्ट आन्दोलन सफल हुने ओलीले दावी गरे ।

समृद्ध नेपाल, सुखी नेपालीको राष्ट्रिय आकांक्षा मुलुकले लिएको र त्यसको सफलता एमालेको नेतृत्व बिना नहुने उनको भनाइ थियो ।