वीरगञ्ज, १४ जेठ । बुधबार थप २१ जनाले कोरोना भाइरसलाई जितेर अस्पतालबाट डिस्चार्ज भएका छन् । वीरगन्जस्थित नारायणी अस्थायी कोभिड अस्पताल गण्डकमा उपचाररत २१ जना कोरोना संक्रमित अस्पतालबाट डिस्चार्ज भएका हुन्।
डिस्चार्ज भएकामध्ये एकजना १५ महिने र अढाई वर्षका बच्चा पनि छन् ।
अस्पतालका मेडिकल सुपरिटेन्डेन्ट डा.मदनकुमार उपाध्यायका अनुसार मंगलबार राति ११ बजेतिर उनीहरूलाई डिस्चार्ज गरिएको हो ।
डिस्चार्ज हुनेमा ५ जना महिला र बाँकी सबै पुरुष छन्।
अब अस्पतालमा ९ जना संक्रमित बाँकी छन्। योसँगै कोरोनाबाट निको हुनेको संख्या १ सय ७६ पुगेको छ।
संक्रमितको संख्या भने ७ सय ८३ पुगेको छ। बुधबार बिहान मात्र एकजना संक्रमित थपिएकी छिन्।
उनी हेटौंडा उपमहानगरपालिका १ निवासी २५ वर्षीया युवती हुन्। उनी गत जेठ ९ गते चितवनबाट हेटौंडा पुगेकी थिइन्।
