एजेन्सी । स्पेनिस ला लिगा अन्तर्गतको खेलमा रियल म्याड्रिडले सेल्टा भिगोविरुद्द शानदार जित निकालेको छ ।
आईतबार राति रियलले घरेलु मैदानमा सेल्टा भिगोलाई ५–२ गोल अन्तरले हराउदै शानदार जित निकालेको हो । रियलको जितमा स्टार फरवार्ड करिम बेन्जिमाले ह्याट्रिक पुरा गरे।
खेलमा अग्रता भने पाहुना टोली सेल्टा भिगोले चौथो मिनेटमा नै लिएको थियो। उसका लागि मिना लोरेन्जोको गोलमा लिएको थियो ।
त्यसपछि करिम बेन्जिमाले २४ औं मिनेटमा रियललाई बराबरीमा ल्याएका थिए । फ्रेन्को सर्विकले ३१ औं मिनेटमा पुन पाहुना टोलीलाई पुन अग्रता दिलाएका थिए । बेन्जिमाले दोस्रो हाफको पहिलो मिनेटमै गोल गर्दै रियललाई पुन बराबरीमा ल्याए ।
पहिलो हाफ दुई दुई गोलको बराबरीमा टुंगिएको खेलको दोस्रो हाफमा रियलले ३ गोल थप्यो। भिनिसियस जुनियरले ५४ औं मिनेटमा रियललाई अग्रता दिलाउने काम गरे ।
त्यसपछि ७२ औं मिनेटमा रियलका लागि चौथो गोल एडुआर्डो कैमाविङ्गाले गरे । खेल सकिन तीन मिनेट अघि बेन्जिमाले ह्याट्रिक पुरा गरेका थिए ।
जितसँगै रियल तालिकाको शीर्ष स्थानमा उक्लिएको छ । सेल्टा भिगो १ अंकसहित रेलिगेशन जोनमा छ ।
