गैँडालाई उत्तानो झुन्ड्याएर गरिएको अनुसन्धानलाई आईजी नोबेल पुरस्कार

Basu Dev Paudel

आइतबार, भाद्र २७ २०७८

610

Basu Dev Paudel

१ मिनेट पाठ

610

बीबीसी। गैंडालाई उत्तानो झुन्ड्याएर जनावरहरूमा कस्तो असर पर्छ भन्नेबारे गरिएको एउटा अनुसन्धानलाई यो वर्षको आईजी नोबेल पुरस्कार प्रदान गरिएको छ।

फुटपाथमा टाँसिएका चुइगममा पाइने जीवाणु तथा पनडुब्बीमा साङ्ला नियन्त्रणका लागि अनुसन्धान गर्ने टोलीहरूले पनि यो पुरस्कार हात पारेका छन्।

तर “नक्कली नोबल” वा “व्याङ्ग्यात्मक नोबेल” पनि भनिने यो पुरस्कारको ख्याति नोबेल पुरस्कारको जस्तो चाहिँ छैन।

हार्भर्ड यूनिभर्सिटीमा हुँदै आएको यो पुरस्कार वितरण कार्यक्रम कोरोनाभाइरससम्बन्धी प्रतिबन्धका कारण यो वर्ष भौतिक उपस्थितिमा हुन सकेन।

तर अनलाइनबाटै यो पुरस्कार वितरणमा हुने सधैँजस्तो रमाइलोहरू गरिएको थियो।

विज्ञानसम्बन्धी हास्यपत्रिका ‘एनल्स अफ इम्प्रोबबल’ रिसर्चले भनेको छ, “यो पुरस्कारले पहिले तपाईँलाई हँसाउँछ र पछि सोच्न बाध्य बनाउँछ।”

प्रतिक्रिया

सम्बन्धित समाचार

ताजा समाचार