सिरहा। सिरहामा नक्कली नोट र छाप्ने मेसिनसहित तीनजनालाई प्रहरीले पक्राउ गरेको छ ।
पक्राउ पर्नेहरुमा गोलबजार नगरपालिका वडा नं। १२ बस्ने २५ वर्षीय धिरज यादब, संजय राय र कल्याणपुर नगरपालिका वडा नं।७ बस्ने २४ वर्षीय विमलेन्द्र कुमार नायक छन् ।सशस्त्र प्रहरीले उनीहरुलाई गोलबजार नगरपालिका ६ स्थित विरेन्द्र महतोको घरबाट पक्राउ गरेको हो ।
विशेष सूचनाका आधारमा इलाका प्रहरी कार्यालय मिर्चैयाका प्रहरी नायव उपरीक्षक सन्तु जैसवालको नेतृत्वमा सशस्त्र प्रहरी समेतको टोली पुगेर विरेन्द्र महतोको घर घेराउ गरी खानतलासी गर्दा नोट छाप्ने मेशिन, ल्यापटप र मोटरसाइकल सहित उनीहको साथबाट ६ लाख ८४ हजार नक्कली नेपाली बरामद गरेको सशस्त्र प्रहरीले जनाएको छ ।
पक्राउ परेका उनीहरूमाथि थप अनुसन्धान भइरहेको प्रहरीले जनाएको छ ।यसअघि पनि सिरहाबाट लागुऔषधसहित दुईजनालाई प्रहरीले पक्राउ गरिसकेको छ ।
