गठबन्धनकाे भर पर्न हुँदैन, लोकतन्त्र मास्नका लागि हतियार उठाएका तत्वहरु संलग्न छन् – ओली

काठमाडौं । नेकपा एमालेका अध्यक्ष केपी शर्मा ओलीले नेकपा (एकीकृत समाजावादी) अध्यक्ष माधवकुमार नेपाल कम्युनिष्ट आन्दोलनलाई ध्वस्त बनाउनमा लागेको आरोप लगाएका छन् । 

बुधबार एमाले संसदीय दलको बैठकमा बोल्दै ओलीले नेपाल कम्युनिष्ट आन्दोलनलाई ध्वस्त बनाउन खाेजेकाे आरोप लगाएका हुन् ।

आफ्नै पार्टी फुटाउने कार्य आपराधिक काम भएको बताउदै ओलीले पार्टी फुटाउनेदेखि जनआन्दोलनका उपलब्धि सक्ने कार्यमा उनीहरू लागेको बताए । 

बैठकमा ओलीले लोकतन्त्र मास्नका लागि हतियार उठाएका तत्वहरु अहिले सक्रिय भएको पनि बताए । 
 
गठबन्धनबाट लोकतन्त्रको रक्षा हुन्छ  भनेर भर पर्न नहुने भन्दै उनले भने – ‘यो गठबन्धनमा अनेक तत्वहरु रहेका छन् । आफ्ना स्वार्थका लागि जे गर्नपनि तयार हुने र  कुनै दृष्टिकोण विहीन तत्व रहेका छन् ।’