भीम रावल भन्छन्: एमसीसी परिमार्जन नगरी पारित गर्नु घातक छ

काठमाडाैं । नेकपा एमालेका उपाध्यक्ष भीम रावलले मिलेनियम च्यालेन्ज कर्पोरेशन (एमसीसी) परिमार्जनसहित पास गर्नुपर्ने बताएका छन् ।

आज (बुधबार) एमाले संसदीय दलको बैठकलाई सम्बोधन गर्दै उनले एमसीसीका कतिपय बुँदा परिमार्जन नगरी पारित गरे घातक हुने बताएका हुन् ।

एमसीसी सम्झौताका बुँदामा कुन–कुन प्रावधान गलत रहेको छ भन्ने विषयमा स्पष्ट पार्न खाेज्दै रावलले केहि प्रावधान र सम्झौता राष्ट्रिय हित विपरित रहेकाले परिमार्जन गर्नुपर्ने आवश्यकता रहेको बताए ।

विगतमा अमेरिकाबाट आएका सहयोगमा प्रश्न नउठेको धारणा राख्दै उनले एमसीसी सम्झौताका केहि बुँदा राष्ट्रहित विपरित रहेकाले प्रश्न चिन्ह उठेको स्पष्ट पारे ।

रावलले एमसीसीमा नेपाल र अमेरिकाबीच द्विपक्षीय सम्झौतामा तेस्रो पक्षको पनि अनुमति लिनुपर्ने प्रावधान गलत रहेको बताए ।