नायिका प्रियंका विवाह बन्धनमा

काठमाडौँ । नायिका प्रियंका कार्की र नायक आयुष्मान देशराज जोशी अब दम्पति भएका छन् । फागुन १६ गते यी दुईको परम्परागत विवाह भयो । यो भन्दा अगाडि उनीहरुले कानुनी विवाह गरिसकेका थिए । 
केही वर्ष प्रेमसम्बन्धमा रहेर विवाह गरेका यी दुई नेपाली चलचित्र क्षेत्रका चर्चित जोडी हुन् । प्रियंका र आयुष्मानको विवाहलाई उत्साहका साथ हेरिएको थियो । विवाहअगाडि भएका मेहन्दी, व्याचलर्स पार्टी अनि अरु कार्यक्रमले यो विवाहलाई धेरैको चासोको केन्द्रमा राखेको थियो ।
विवाह अगाडिका कार्यक्रममा तस्बिरहरु सामाजिक सञ्जालमा आएका थिए, अहिले विवाहको तस्बिर पनि सार्वजनिक भएको छ । प्रियंकाको यसअघि नै विवाह भए पनि डिभोर्स भएको थियो ।