लकडाउन थप्ने सरकारको तयारी

काठमाडौँ, २ जेठ । कोरोना भाइरस रोकथामका लागि  सरकारले जारी लकडाउन थप्ने तयारी गरेको छ।आज बसेको उच्चस्तरीय समन्वय समितिको अनौपचारिक बैठकमा सो विषयमा छलफल भएको हो।

बैठकमा उपस्थित एक मन्त्रीका अनुसार लकडाउन थप गर्ने वा नगर्ने विषयमा छलफल गर्न विशेषज्ञहरूलाई बोलाइएको थियो। सो छलफलमा विशेषज्ञहरूले लकडाउन थप गर्न सुझाव दिएका हो।‘अहिलेको अवस्थामा महामारी बढ्ने क्रम जारीनै रहेको बेला लकडाउन थप गर्न सबैले सुझाव दिएका छन्’,ती मन्त्रीले भने।ती सुझावलाई भोलि बस्ने समितिको बैठकमा छलफल गरिने र मन्त्रिपरिषद् बैठकमा पेश गरिने ती मन्त्रीले बताए।

सरकारले जारी गरेको लकडाउन जेठ ५ गते सकिँदै छ।