नेपाललाई पनि एमाले केन्द्रीय कमिटी बैठकको निम्ता

काठमाडौं । नेकपा एमालेले वरिष्ठद्वय नेता माधवकुमार नेपाल र झलनाथ खनालसहितका नेताहरुको केन्द्रीय कमिटी बैठकको निम्ता दिइएको छ । 

बुधबार १०औँ महाधिवेशन आयोजक कमिटीलाई केन्द्रीय कमिटीमा रुपान्तरण गर्दै सोहीअनुसार पदाधिकारी र सदस्यहरुलाई एमालेले क्रियाशील बनाएको छ ।

असन्तुष्ट नेपाल समूहको माग पूरा गर्दै व्यूँताइएको केन्द्रीय कमिटी बैठकमा सहभागी हुन नेता नेपाल, खनालसहितका नेताहरुलाई निम्ता पठाइएको छ । 

मोबाइलबाट एसएमएस, इमेलमा पत्र र त्यसुपछि फेरि इमेल पत्र पठाइएको जानकारी जानकारी पुनः एसएमएसबाट गराइएको छ भने केही वरिष्ठ नेताहरूलाई टेलिफोन पनि गरेर शुक्रबार बस्ने बैठकको निम्ता दिइएको छ । 

यता सो बैठकमा सहभागी हुने कि नहुने विषयमा निर्णय लिन नेपाल समूहको बैठक बसिरहेको छ ।