काठमाडौं, १ जेठ । गृह मन्त्रालयले जिल्लाभित्र सवारी सञ्चालन गर्न दिइएको पास पनि खारेज गर्ने निर्णय गरेको छ । काठमाडौं बाहिरबाट पासको दुरुपयोग गर्दै कोरोना संक्रमितलाई ओसारेको पाइएपछि जिल्लाभित्रको पास पनि खारेज गर्ने निर्णय गरेको छ । काठमाडौंका कोरोना संक्रमित कन्चनपुरबाट सशस्त्र प्रहरीको गाडीमा आएको खुलेको छ भने भक्तपुरमा देखिएका संक्रमित पनि काठमाडौं उपत्यकाबाहिरबाट आएको खुलेपछि प्रमुख जिल्ला अधिकारीले दिएका गाडीका पास रद्द गरिएका हुन् ।
गृह मन्त्रालयमा आज बसेको बैठकले जिल्लाभित्र लागू हुने गरी जिल्ला प्रशासन कार्यालयहरुले वितरण गरेको पास पनि खारेज गर्ने निर्णय गरेको हो ।
यसअघि गृहले एक जिल्लाबाट अर्कोे जिल्ला हिँड्ने गरी वितरण भएका सबै पास बिहीबारबाट खारेज गरिसकेको छ ।
