स्थायी कमिटीमा माधव नेपाल पक्षका भूसाल र पन्त 

काठमाडौं । नेकपा (एमाले)को दसौ महाधिवेशन आयोजक कमिटीको आज बसेको बैठकले मनोनीत गरेका ८ स्थायी कमिटी सदस्यमा २ जना बरिष्ठ नेता माधव नेपाल पक्षका पनि छन् । नेपाल पक्षका बेदूराम भूसाल र रघुजी पन्तलाई स्थायी कमिटी सदस्यमा मनोनीत गरिएको छ ।

भूसालले सोमबार नेकपाबाट राष्ट्रियसभा सदस्य जितेकाले स्वतन्त्र रहने भन्दै संसद सचिवालयलाई पत्र लेखेका थिए । भूसाललाई पनि स्थायी कमिटी सदस्यमा मनोनीत गरिएको छ ।

स्थायी कमिटीमा पूर्वमाओवादीबाट आएका ४ र ओली समूहका २ जना मनोनीत भएका छन् । प्रधानमन्त्री निवास बालुवाटारमा सम्पन्न महाधिवेशन आयोजक कमिटीको अन्तिम बैठकले स्थायी कमटिीमा ८ जना थप गर्ने निर्णय गरेको हो । थप भएका स्थायी कमिटी सदस्यद्वय रघुवीर महासेठ र  विष्णु रिमाल केपी ओली निकट हुन् । रामबहादुर थापा ‘बादल’, टोपबहादुर रायमाझी, लेखराज भट्ट र मणि थापा पूर्वमाओवादीबाट एमाले भएका हुन्