काठमाडौं । सोमबार बसेको काठमाडौं उपत्यकाका तीन जिल्ला प्रमुख अधिकारीको बैठकले काठमाडौं उपत्यकामा सार्वजनिक सवारी साधन चलाउन दिने निर्णय गरेको छ ।
काठमाडौं जिल्ला प्रशासन कार्यालयका सहायक प्रजिअ उमाकान्त अधिकारीका अनुसार बैठकले बिहान ६ बजेदेखि साँझ ७ बजेसम्म २५ सिट बढी क्षमता भएको सवारी साधनलाई चलाउन दिने निर्णय गरेकाे हाे ।
२५ सिट बढी क्षमता भएका सार्वजनिक सवारी साधनलाई जोर-बिजोर प्रणाली अनुसार चल्न दिने निर्णय प्रशासनले गरेको हो । लामो दूरीका सवारी साधन भने चलाउन पाइने छैन ।
कोरोना भाइरस संक्रमणका कारण काठमाडौं उपत्यकामा गत वैशाख १६ गते निषेधाज्ञा जारी छ । उपत्यकाका प्रमुख जिल्ला अधिकारीहरुको बैठकले निषेधाज्ञा थप एक साता लम्बाउने निर्णय गरेको छ ।
