युरोकप फुटबल : युक्रेनमाथि नेदरल्याडसको रोमान्चक जित

एजेन्सी । १६ औँ संस्करणको युरोकप फुटबल अन्तर्गतको खेलमा नेदरल्याड्सले युक्रेनलाई पराजित गरेको छ ।

आइतबार राति भएको समूह सीको खेलमा नेदरल्याण्ड्सले युक्रेनलाई ३–२ गोलअन्तरले पराजित गरेको हो ।

डच टिमका लागि खेलको ५२ औँ मिनेटमा जर्जिनिओ वाइनाल्डम, ५८ औँ मिनेटमा वाउट वेघोर्स्त र ८५ औँ मिनेटमा डेन्जेल डमफ्रीजले गोल गरेका हुन् ।

युक्रेनका लागि खेलको ७५ औँ मिनेटमा एन्ड्री यरमोलेन्का र ७९ औँ मिनेटमा रामन यरियमचिकले गोल गरे ।

अब बिहीबार युक्रेनले नर्थ मेसेडोनिया तथा नेदरल्याण्ड्सले अस्ट्रियासँग खेल्ने छन् ।

आइतबार राति नै भएको अर्को खेलमा अस्ट्रियाले नर्थ मेसेडोनियामाथि ३–१ गोलको जित दर्ता गर्दै विजयी सुरुवात गरेको छ ।