काठमाडौं, २२ बैशाख । राष्ट्रिय मानव अधिकार आयोगमा सांसद महेश बस्नेत र कृष्णकुमार श्रेष्ठ (किसान) र पूर्वप्रहरी महानिरीक्षक सर्वेन्द्र खनालले आफूहरुले अपहरण नगरेको भन्दै उजुरी दिएका छन् । सांसद डा. सुरेन्द्र यादवलाई अपहरण गरेको आरोप लागेका उनीहरुले सोमबार आयोगमा गई उजुरी दिएका हुन् ।
उनीहरुले सांसद डा. यादवको अपहरण नगरेको भन्दै आफूहरु निर्दोष रहेको बताउदै आएका छन् ।आफूलाई सांसदहरु बस्नेत र श्रेष्ठ तथा पूर्व आईजीपी खनालले अपहरण गरेको भन्दै आफ्नो मानव अधिकार रक्षा गरिदिन माग गर्दै डा. यादवले वैशाख १८ गते आयोगमा उजुरी दिएका थिए ।
यादवले उजुरी दिएको चार दिनपछि आयोग पुगेका आरोपित सांसद र पूर्वआईजीपीले आफूहरुले अपहरण नगरेको भन्दै अर्को निवेदन दिएका हुन् ।
महोत्तरीस्थित घरमै रहेका डा। यादवलाई नेकपा सांसद बस्नेत, श्रेष्ठ र पूर्वआईजीपी खनालले वैशाख १० गते काठमाडौं ल्याएका थिए ।
