प्रधानमन्त्री बालेनले सुरक्षा प्रमुखबाट लिए चाडपर्व लक्षित शान्ति-सुरक्षाको अवस्थाबारे ‘ब्रिफिङ

काठमाडौँ। प्रधानमन्त्री वालेन्द्र शाहले मुलुकको पछिल्लो शान्ति(सुरक्षाको अवस्थाबारे सुरक्षा निकायका प्रमुखसँग ‘ब्रिफिङ’ लिएका छन्।

प्रधानमन्त्री शाहले बिहीबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानसेनापति अशोकराज सिग्देल, नेपाल प्रहरीका महानिरीक्षक डा. मनोजकुमार केसी र सशस्त्र प्रहरी बल, नेपालका महानिरीक्षक नारायणदत्त पौडेललाई बोलाएर ‘ब्रिफिङ’ लिएका हुन्।

सुरक्षा निकायका प्रमुखले चाडपर्वमा नागरिकको सुरक्षा तथा समग्र शान्ति–सुरक्षाको व्यवस्थापनबारे ‘ब्रिफिङ’ गरेका छन्।

देशको सुरक्षालाई थप सुदृढ पार्न नेपाली सेना, नेपाल प्रहरी र सशस्त्र प्रहरी बलबीचको आपसी समन्वय, सूचना आदानप्रदान र सहकार्यलाई अझ प्रभावकारी बनाउन प्रधानमन्त्री शाहले निर्देशन दिएका छन्।

त्यस्तै, प्रधानमन्त्री शाहले नागरिकको जीउधनको सुरक्षामा कुनै पनि कमजोरी हुन नदिन, अपराध नियन्त्रणमा शून्य सहनशीलताको नीति अपनाउन र शान्ति(सुरक्षाको व्यवस्थालाई थप चुस्त–दुरुस्त बनाउन सुरक्षा निकायका प्रमुखलाई निर्देशन दिएको प्रधानमन्त्रीको सचिवालयले जनाएको छ।