न्यायको अर्थ सधैँ फैसला गर्नु मात्र हुँदैन, विवादको समाधान गर्नु पनि न्याय हो: मन्त्री गौतम

काठमा‍डौं। कानुन, न्याय तथा संसदीय मामिलामन्त्री सोबिता गौतमले‍ मुद्दा मामिलामा न्यायको अर्थ सधैँ फैसला गर्नु मात्र पनि नभएको बताएकी छन्। उनले न्यायोचित ढंगबाट विवादको समाधान गर्नु पनि न्याय भएको बताएकी हुन्।

उनले भनिन्,‘मुद्दा मामिलामा न्यायको अर्थ सधैँ फैसला गर्नु मात्र पनि हुँदैन, न्यायोचित ढंगबाट विवादको समाधान गर्नु पनि न्याय हो।’

मन्त्री गौतमले मेलमिलाप न्यायमा सहज पहुँच, समय र खर्चको बचत तथा सामाजिक सद्भाव कायम गर्ने प्रभावकारी माध्यम भएको उल्लेख गरिन्।

कानुन मन्त्री गौतमले आफूहरुको लक्ष्य मुद्दाको सङ्ख्या मात्र घटाउनु नभई न्यायलाई छिटो, सरल, सुलभ र नागरिकमैत्री बनाउनु पनि रहेको बताइन्।