काठमाडौं, २१ बैशाख । नेपालमा एकैदिन १० जनामा कोरोना संक्रमण देखिएको छ । नेपालगंजमा ९ जनामा कोरोना संक्रमण भेटिएको हो । पर्सामा एक जनासमेत गर्दा आजमात्रै १० जना संक्रमित थपिएका छन् । नेपालगंजमा आजमात्रै ९ जनामा संक्रमण देखिएपछि ५ नम्बर प्रदेशमा पनि कोरोना संक्रमण फैलिएको छ । यसअघि उदयपुरको भुल्केमा ११ जनामा कोरोना संक्रमण देखिएपछि १ नम्बर प्रदेश संक्रमणको जोखिममा परेको थियो ।
आइतबार स्वास्थ्य मन्त्रालयले नियमित पत्रकार सम्मेलनमार्फत् थप ९ कोरोना जनामा संक्रमण भएको जानकारी दिएको हो ।
नेपालगन्जमा भेटिएकाहरुमा ५ महिला र ४ जना पुरुष रहेका छन् । आज संक्रमित १० समेत नेपालमा कोराना संक्रमितको संख्या ६९ जना पुगेको छ । १६ जना निको भएर फर्किएका छन् ।
