सेकुवा बाई किलोद्वारा भोटेकोशी बाढीपीडितलाई २० लाखभन्दा बढी सहयोग

काठमाडौं । चर्चित रेस्टुरेन्ट सेकुवा बाई किलोले भोटेकोशी बाढीबाट प्रभावित परिवारहरूको सहयोगका लागि रु. २० लाख ११ हजार १ सय ११ सहयोग गरेको छ ।

सेकुवा बाई किलोका पाँचवटै आउलेटका तर्फबाट उक्त रकम अर्थमन्त्री डा. स्वर्णिम वाग्लेलाई हस्तान्तरण गरिएको छ ।

सेकुवा बाई किलोले भदौ १६ गते (सेप्टेम्बर १०) आफ्ना कलंकी, झम्सिखेल, दरबारमार्ग, लाजिम्पाट र बाँसबारी गरी पाँचवटै आउटलेटको १०० प्रतिशत बिक्री रकम बाढीपीडितका लागि दिने घोषणा गरेको थियो ।

त्यससँगै, कम्पनीका सबै कर्मचारीले एक दिनको तलब र बोर्ड सदस्यहरूले जनही रु. १ लाख योगदान गरेका थिए ।

संकलित रकम अर्थमन्त्री स्वर्णिम वाग्लेलाई हस्तान्तरण गरिएको थियो । उक्त रकम प्रधानमन्त्री दैवी प्रकोप उद्धार कोषमा जम्मा गरिएको छ ।