प्रहरीद्वारा बलम्बुबाट चार वटा ट्रक बरामद, करोडौं भ्याटछलीको आशंका

काठमाडौं । राजमार्गमा जबर्जस्ती कवाडीको निकासी कर असुली गरी राज्यलाई अरबौं नोक्सान पार्दैआएका रोशन चौधरीको गिरोहका सदस्यका नाममा रहेका ४ वटा ट्रक प्रहरीले काठमाडौंको बलम्बुबाट नियन्त्रणमा लिएको छ ।

मूल्य अभिबृद्धि कर (भ्याट) छलीदेखि आवश्यक कागजात देखाउन नसकेपछि ती ट्रक प्रहरीले नियन्त्रणमा लिएको बताइएको छ ।

भोजपुरी मिथिला ट्रेडर्स प्रा.लि., जय श्री शम्भु प्रा.लि., राजेश इक्जिम ट्रेडर्स र श्रीगणेश ट्रेडर्सका नाममा रहेका क्रमशः ना ५ ख १७१० र ना ६ ख ३८५३  लगायतका नम्बरका गाडी प्रहरीले समातेको हो ।

आर एण्ड भालेश्वर ट्रेड कन्सर्नदेखि बिभिन्न नाममा कम्पनी दर्ता गरेका रोशन चौधरीकै समूहका हुन् श्रीगणेश ट्रेडर्सदेखि माथिका सबै फर्मका गाडी समातिएका छन् । श्रीगणेश ट्रेडर्सदेखि माथिका सबै फर्म नक्कली नागरिकताका आधारमा दर्ता गरिएको स्रोतले नेपालफेसलाई बताएको छ । स्रोतका अनुसार भ्याटछली गर्न नक्कली नागरिकताका आधारमा फर्म दर्ता गरिएको प्रहरीले छानबिन गरेमा खुल्नेछ ।

स्रोतका अनुसार भ्याटछली भएमा श्रीगणेश नक्कली नागरिकताका आधारमा दर्ता भएकाले संचालक खोजी भएमा वास्तविक संचालक नै फेलानपर्ने हुन्छ । श्रीगणेश ट्रेडर्सको नाम, नम्बर र ब्यक्तिमाथि छानबिन हुने हो भने नेपालमा भ्याटछली कसरी फेक ब्यक्तिको नाममा कम्पनी दर्ता गरी छली हुन्छ भन्ने सबै उदांगो हुनेछ ।

त र, राज्यलाई करोड अरब रुपैयाँ भ्याट तिर्न नपर्ने भएपछि रोशनको समूहले फेक नागरिकताका आधारमा कम्पनी दर्ता गर्दैआएको आरोप छ । त्यसो त रोशन चौधरी नक्कली भ्याटबिल प्रयोग गरी करोडौं करोड राजस्व छली गर्ने पात्र हुन् । राजस्व अनुसन्धान बिभागमा उनको नक्कली भ्याटबिलको अनुुसन्धान भइरहँदा तत्कालीन महानिर्देशक नवराज ढुंगानामाथि नै उनले ब्ल्याकमेल गरी रोकाएका थिए । जुन अनुसन्धान अहिलेसम्म पनि हुन सकेको छैन ।