अध्यादेश स्वीकृत नगर्न राष्ट्रपतिलाई विपक्षी दलको आग्रह

काठमाडौं । विपक्षी दलहरुले सरकारले ल्याएका अध्यादेश स्वीकृत नगर्न राष्ट्रपति रामचन्द्र पौडेललाई आग्रह गरेका छन् ।

आज (बुधबार) सिंहदरबारमा बसेको श्रम संस्कृति पार्टी बाहेकका विपक्षी दलहरुको बैठकले सरकारले सिफारिस गरेको दुई अध्यादेश संसद छल्ने उदेशयले ल्याइएको भन्दै स्वीकृत नगर्न राष्ट्रपतिलाई आग्रह गरेको हो ।

बैठकपछि जारी संयुक्त प्रेस विज्ञप्तिमा उक्त दुई अध्यादेश संसद छल्ने उदेश्यका साथ स्वीकृत नगर्न राष्ट्रपति पौडेललाई आग्रह गर्ने निर्णय भएको उल्लेख छ । राष्ट्रपति कार्यालय पुगेपछि मात्र सरकारले सहकारी र संवैधानिक निकायमा नियुक्ति सम्बन्धी दुई अध्यादेश ल्याएको खुलासा भएको थियो ।