प्रहरीको गुण्डागर्दी नियन्त्रण अभियान, ठमेलबाट कोर्तु गुरुङ पक्राउ

काठमाडौं । प्रहरीले गुण्डागर्दी नियन्त्रण अभियान जारी राखेको छ । एक हप्तायता ठमेल, भक्तपुर, लगायतबाट गुण्डागर्दी नियन्त्रण अभियानमा लागेको प्रहरीले आइतबार राति काठमाडौंमा गुण्डागर्दीमा संलग्न रहेको आरोपमा ‘रेम्बो’ भनिने कोर्तु गुरुङलाई पक्राउ गरेको छ ।

जिल्ला प्रहरी परिसर काठमाडौंका अनुसार काठमाडौं महानगरपालिका–१७ पकनाजोल घर भएका ४० वर्षीय गुरुङलाई गएराति ठमेल क्षेत्रबाट नियन्त्रणमा लिइएको हो ।

प्रहरीका अनुसार गुरुङमाथि गुण्डागर्दी तथा बिचौलियाको रूपमा नागरिकलाई दुःख दिएको आरोप लागेको छ । पक्राउपछि उनीमाथि थप अनुसन्धान भइरहेको जनाइएको छ ।

पछिल्ला दिनहरूमा प्रहरीले काठमाडौँ उपत्यकासहित देशका विभिन्न स्थानमा गुण्डागर्दी नियन्त्रण अभियान तीव्र बनाएको छ ।